Dec ۰۵, ۲۰۱۹ ۰۷:۵۸ Asia/Tehran
  • کشمیر کے مسئلے پر50 برس بعد سلامتی کونسل کا اجلاس

شاہ محمود قریشی کا کہنا ہے کہ کشمیر کے معاملے پر کوئی ابہام نہیں ہے۔

پاکستان کی قومی اسمبلی میں اظہارِ خیال کرتے ہوئے پاکستان کے وزیرخارجہ شاہ محمود قریشی کا کہنا تھا کہ مسئلہ کشمیر آج کا نہیں 72 سالہ مسئلہ ہے، حکومت وقت نے اپوزیشن کی مشاورت سے اس مسئلے کو جتنا اجاگر کیا ہے اس کی ماضی میں مثال نہیں اور دنیا بھی حکومتی کوششوں کے معترف ہے ۔

شاہ محمود قریشی نے کہا کہ ہم نے کشمیر کے معاملے کو بین الاقوامی کیا اور 70 ممالک کے حکمرانوں سے رابطے کئے، آج دنیا کے ایوانوں میں بحثیں ہو رہی ہیں، وزیراعظم عمران خان نے جنرل اسمبلی میں اس مسئلے پر کھل کر بات کی، کشمیر پر جاری صورتحال سے پارلیمنٹ کو آگاہ رکھنے کی ہر ممکن کوشش کی گئی۔

انہوں نے دعوی کیا کہ کشمیر کا مسئلہ خود ہندوستانی حکمرانوں کے اقدامات کی وجہ سے بھی اجاگر ہوا، 50 برس بعد کشمیر کے مسئلے پر سلامتی کونسل کا اجلاس بلایا گیا، ہندوستان نے اس اجلاس کو روکنے کے لئے ہر ممکن کوشش کی۔

ٹیگس

کمنٹس