SAHAR

کشمیر کی کنٹرول لائن پر ہندوستان اور پاکستان کی افواج کے درمیان ایک بار پھر فائرنگ کا تبادلہ ہوا ہے-

شن ہوا کی رپورٹ کے مطابق سری نگر سے ایک سو پچیس کلومیٹر شمال مغرب میں واقع علاقے نوگام میں بدھ کو ہونے والی اس فائرنگ میں دو ہندوستانی فوجی زخمی ہوئے ہیں-

ہندوستانی فوج نے الزام عائد کیا ہے کہ پاکستانی فوج نے پونچھ علاقے میں بھی جنگ بندی کی خلاف ورزی کی ہے۔ کشمیر کی کنٹرول لائن پر ہندوستان اور پاکستان کے درمیان صرف اگست کے مہینے میں ہی ہونے والی فائرنگ میں دونوں طرف کے تقریبا" بیس افراد مارے گئے تھے جس کے بعد نئی دہلی اور اسلام آباد کے درمیان تعلقات میں کشیدگی پیدا ہوگئی تھی-