پاکستانی آرمی چیف کی شیعہ علما سے ملاقات: علاقائی تناؤ اور افغانستان سے متعلق امور پر تبادلہ خیال
پاکستان کے آرمی چیف فیلڈ مارشل سید عاصم منیر نے حال ہی میں ایک اعلیٰ سطحی وفد کے ہمراہ ملک بھر سے آئے ہوئے شیعہ علما اور علمی شخصیات سے ملاقات کی۔
سحرنیوز/پاکستان:اس ملاقات میں پاکستان اور افغانستان کے درمیان سرحدی کشیدگی اور دیگر علاقائی صورتحال سمیت اندرونی معاملات پر تفصیلی بات چیت کی گئی۔
آرمی چیف نے علما کو علاقائی تناؤ کم کرنے کے لیے اسلام آباد کی کوششوں اور سفارتی اقدامات سے آگاہ کیا۔ انہوں نے اس بات پر زور دیا کہ مذہبی رہنما ملک میں اتحاد کو مضبوط بنانے اور انتہا پسندی کے خلاف جنگ میں اہم کردار ادا کر سکتے ہیں۔
جنرل منیر نے واضح کیا کہ پاکستان، افغانستان کی سرزمین کو اپنے خلاف دہشت گردانہ کارروائیوں کے لیے استعمال کرنے کی ہرگز اجازت نہیں دے گا۔ انہوں نے کہا کہ پاکستان، افغانستان میں موجود دہشت گردوں اور ان کے ٹھکانوں کے خلاف مؤثر کارروائی کرنے کے لیے پرعزم ہے، اور اس کے لیے ٹھوس معلومات کی بنیاد پر ہدف شدہ آپریشن کیے جائیں گے۔
انہوں نے افغان طالبان پر زور دیا کہ وہ اپنی سرزمین کو پاکستان کے خلاف دہشت گردی کے لیے استعمال ہونے سے روکیں۔
یہ ملاقات ایسے وقت میں ہوئی ہے جب دوسری جانب پاکستان کے بڑے شہروں میں ایران پر امریکہ اور اسرائیل کے حملوں کے خلاف اور ایران کے عوام اور حکومت کے ساتھ یکجہتی کے اظہار کے لیے وسیع پیمانے پر مظاہرے کیے گئے ہیں۔
ان مظاہروں میں امریکی اور اسرائیلی جارحیت کی شدید مذمت کی گئی۔
واضح رہے کہ مظاہروں کے دوران کراچی، اسلام آباد اور سکردو جیسے شہروں میں سیکیورٹی فورسز کی مبینہ کارروائیوں میں متعدد افراد ہلاک ہوئے۔
کراچی میں امریکی قونصلیٹ کے باہر ہونے والے مظاہرے میں قونصلیٹ کے اندر سے امریکی میرین کے اہلکاروں کی جانب سے براہ راست فائرنگ سے 11 مظاہرین جاں بحق ہوئے۔
ہمیں فالو کریں:
Follow us: Facebook, X, instagram, tiktok whatsapp channel
