SAHAR

انڈرنائنٹین ورلڈکپ کرکٹ میچ میں ہندوستان نے نیپال کو سات وکٹوں سے شکست دے دی

بنگلہ دیش میں جاری انڈرنائنٹین کرکٹ ورلڈ کپ کے ایک میچ میں ہندوستان نے نیپال کو سات وکٹوں سے ہرا دیا ہے- میرپور میں کھیلے گئے میچ میں نیپال نے پہلے بیٹنگ کرتے ہوئے آٹھ وکٹوں پر ایک سو انہتر رن بنائے- نیپال کی طرف سے سندیپ سونر اور راج دیپ نے بالترتیب سینتیس اور پینتیس رن بنائے-

جواب میں ہندوستان نے یہ ہدف انیسویں اوور میں تین وکٹوں کے ہی نقصان پر پورا کر لیا- ہندوستان کی طرف سے ریشپ پنٹ نے جارحانہ بیٹنگ کرتے ہوئے صرف چوبیس گیندوں پر اٹھہتر رن بنائے جبکہ ایشان کشن باون رن بناکر آؤٹ ہوئے- دیگرمیچوں میں افغانستان نے کینیڈا کو اور نیوزی لینڈ نے آئرلینڈ کو شکست دی-