عمان: جنگ ایران نے شروع نہیں کی ہے

Mar ۲۳, ۲۰۲۶ ۱۹:۴۷ Asia/Tehran

عمان کے وزیرخارجہ نے ایران کے خلاف فوجی جارحیت کے بارے میں کہا ہے کہ اس جنگ نے وسیع اقتصادی مشکلات پیدا کردی ہیں لیکن ایران نے جنگ شروع نہیں کی ہے

سحرنیوز/عالم اسلام: عمان کے وزیرخارجہ بدربن حمد البوسعیدی نے اپنے سماجی رابطے کے ایکس پیج پرانگریزی زبان میں ایک پوسٹ میں لکھا ہے کہ" ایران کے بارے میں جو کچھ کہا جارہا ہے، اس کے برخلاف یہ جنگ ایران نے شروع نہیں کی ہے۔"
عمان کے وزیرخارجہ نے کہا کہ ان کا ملک پوری کوشش کررہا ہے کہ آبنائے ہرمز سے جہازوں کے پرامن گزرنے کی ضمانت حاصل کی جائے۔
انھوں نے کہا کہ یہ حیاتی اہمیت کی آبی گزرگاہ ہے اوردنیا کی توانائی کا 20 فیصد اسی راستے سے سپلائی ہوتا ہے۔
عمان کے وزیرخارجہ نے جنگ کے اقتصادی نتائج کی طرف اشارہ کرتے ہوئے کہا کہ " اس جنگ نے وسیع اقتصادی مشکلات پیدا کردی ہیں اور جنگ جاری رہنے کی صورت میں ان مشکلات میں شدت آسکتی ہے۔"