SAHAR

ہندوستان کے زیرانتظام کشمیر میں آج چار عسکریت پسند ہلاک ہو گئے۔

ہندوستان کی سنٹرل ریزرو پولیس فورس(سی آر پی ایف) نے کہا ہے کہ آج شمالی کشمیر میں ایک حملے کو ناکام بناتے ہوئے چارعسکریت پسندوں کو ہلاک کیا ہے۔

اطلاعات کے مطابق ڈائریکٹر جنرل آف پولیس ( ڈی جی پی) ڈاکٹرایس پی وید نے بتایا کہ عسکریت پسندوں کے ایک گروپ نے آج علی الصبح 3 بج کر 45 منٹ پر سی آرپی ایف بٹالین پر اچانک حملہ کر دیا۔ جس کے بعد فائرنگ کا سلسلہ شروع ہوا جس میں چار عسکریت پسندوں کو ہلاک کر دیا گیا۔ ڈی جی پی نے کہا کہ عسکریت پسندوں کے قبضے سے بڑی مقدار میں اسلحہ و گولہ بارود برآمد کیا گیا ہے۔