SAHAR

اسلامی جمہوریہ ایران کے صدر ڈاکٹر مسعود پزشکیان ہفتہ کے روز پاکستان پہنچ رہے ہیں۔ اسی مناسبت سے دارالحکومت اسلام آباد کے مختلف علاقوں میں رہبر انقلاب اسلامی اور صدر ایران کی تصاویر اور بینر نصب کیے گئے ہیں۔

سحرنیوز/ایران: ہمارے نمائندہ کی رپورٹ کے مطابق، اسلام آباد ایئربیس سے لیکر ایرانی وفد کی رہائش کے لیے مقرر ہوٹل اور اسی طرح صدارتی محل اور وزارت عظمی کی عمارت تک استقبالیہ پیغامات اور تصاویر نصب کی گئی ہیں۔

قابل ذکر ہے کہ صدر مملکت ڈاکٹر مسعود پزشکیان اپنے دو روزہ دورہ پاکستان میں لاہور اور اسلام آباد جائیں گے۔

ڈاکٹر مسعود پزشکیان اس دوران پاکستان کے صدر، وزیر اعظم اور فوج کے سربراہ سے بھی ان کی الگ الگ ملاقاتیں طے ہیں۔