خوشحالی کی راہ میں دہشت گردی سب سے بڑی رکاوٹ
Oct ۱۳, ۲۰۱۸ ۱۰:۲۸ Asia/Tehran
ہندوستان نے پوری دنیا میں بڑھتی ہوئی دہشت گردی پر تشویش ظاہر کرتے ہوئے کہا ہے کہ یہ پوری دنیا کے امن اور خوشحالی کے لئے خطرہ بن گئی ہے۔
ہندوستان کی وزیر خارجہ سشما سوراج نے کل شنگھائی تعاون تنظیم (ایس سی او ) کے رکن ممالک کے سربراہوں سے خطاب کرتے ہوئے کہا کہ خوشحالی اور ترقی کی راہ میں دہشت گردی سب سے بڑا خطرہ بنی ہوئی ہے۔ دہشت گردی کے عالمی سطح پر پھیلنے کے مدنظر حکومتوں کو اپنی ذمہ داری سمجھنی چاہئے اور ایک دوسرے کے ساتھ مل کر دہشت گردی کا سامنا کرنا چاہئے۔
افغانستان میں جاری امن کے عمل کے تناظر میں محترمہ سوراج نے کہا ہندوستان، افغانستان کے امن کے عمل سے متعلق اپنے موقف پر قائم ہے اور اسی امن عمل کے ذریعے افغانستان پرامن، محفوظ، مستحکم اور اقتصادی طور پر مضبوط ملک کے طور پر اپنے آپ کو قائم کرسکتا ہے۔
