SAHAR

ایران کے صدر ڈاکٹر حسن روحانی نے ہندوستان کے عام انتخابات میں اس ملک کے وزیر اعظم نریندر مودی کی پارٹی کی کامیابی پر انھیں مبارک باد پیش کی۔

صدر مملکت ڈاکٹر حسن روحانی نے ہندوستان کے پارلیمانی انتخابات میں بی جے پی اور خود نریندر مودی کی کامیابی پر مبارک باد دیتے ہوئے اطمینان کا اظہار کیا ہے کہ تہران اور نئی دہلی کے تعلقات مزید فروغ پائیں گے۔
ہندوستان کی پانچ سو تینتالیس میں سے پانچ سو بیالس سیٹوں پر ہونے والے انتخابات میں بی جے پی نے واضح اکثریت سے کامیابی حاصل کی ہے۔ حکومت بنانے کے لئے دو سو بہتر نشستوں کی ضرورت ہوتی ہے۔
یہ انتخابات چھے ہفتوں کے دوران سات مرحلوں میں منعقد ہوئے جبکہ تئیس مئی کو ووٹوں کی گنتی ہوئی۔