ہندوستان کے شہر پٹنہ میں شہید قاسم سلیمانی کے موضوع پر پینٹنگ کا مقابلہ
ہندوستان کے مسلم بچے، شہید قاسم سلیمانی اور شہید ابو مہدی المہندس کی دوسری برسی کے موقع پر پیٹنگ اور شہید کی سوانح حیات سے متعلق انعامی مقابلے میں حصہ لے رہے ہیں۔
نئی دہلی ہمارے نمائندے کے مطابق ہندوستان کی ریاست بہار کے دارالحکومت پٹنہ میں شہید جنرل قاسم سلمیانی اور شہید جنرل ابومہدی المہندس کی شہادت کی دوسری برسی کے موقع پر ادارہ محبان ام الآئمہ کے زیر اہتمام بین المسالک سمینار کے ساتھ ساتھ ہندوستانی نوجوانوں اور بچوں کے لئے پینٹگ اور انعامی مقابلے کا بھی اہتمام کیا گیا ہے جس میں مختلف عمر کے بچے شرکت کر سکیں گے۔
بچوں اور نوجوانوں کے درمیان پینٹنگ اور انعامی مقابلہ یکم جنوری کو ہوگا جبکہ شہدائے محاذ استقامت کی یاد میں بین المسالک کل ہند سیمنار تین جنوری کو پٹنہ میں منعقد ہوگا۔
اس سمینار میں ظلم و ستم اور عالمی سامراجی طاقتوں کے خلاف شہید قاسم کی جدو جہد پر روشنی ڈالی جائے گی۔
خیال رہے کہ تین جنوری کو ایران کی سپاہ قدس کے شہید کمانڈر جنرل سلیمانی کی دوسری برسی ہے جس کے پیش نظر دنیا بھر میں مختلف پروگراموں اور مجالس ترحیم کا اہتمام کیا جا رہا ہے۔ جنرل سلیمانی ۳ جنوری ۲۰۲۰ کو امریکی دہشتگردوں کے ہاتھوں بغداد ایئرپورٹ پر شہید کر دئے گئے تھے۔
