ہندوستان ؛ اپوزیشن جماعتوں کے ہنگامہ کی وجہ سے لوک سبھا کی کارروائی پانچویں روز بھی ملتوی

Feb ۰۶, ۲۰۲۶ ۱۶:۱۱ Asia/Tehran

لوک سبھا میں اپوزیشن جماعتوں کے ہنگامہ کی وجہ سے آج پانچویں روز بھی لوک سبھا کی کارروائی کو پورے دن کے لیے ملتوی کر دیا گیا

سحرنیوز/ہندوستان: آج گیارہ بجے جیسے ہی ایوان کی کارروائی شروع ہوئی، اپوزیشن ارکان نے شدید ہنگامہ کیا۔ اسپیکر اوم برلا نے ہنگامے کے دوران ہی وقفہ سوالات کا سلسلہ چلانے کی کوشش کی لیکن ہنگامہ بڑھتا گیا، جس کی وجہ سے انہیں ایوان کی کارروائی دوپہر 12 بجے تک ملتوی کرنی پڑی۔التوا کے بعد دوپہر بارہ بجے جیسے ہی ایوان کی کارروائی شروع کی، تو اپوزیشن جماعتوں کے ارکان نعرے بازی اور ہنگامہ کرتے ہوئے ایوان کے وسط میں آ گئے۔

ہمیں فالو کریں:

ہنگامہ کر رہے ارکان سے اسپیکر نے اپنی نشستوں پر جانے کی اپیل کی اور کہا کہ ہنگامے کے دوران وہ ایوان کی کارروائی نہیں چلا سکتے،لیکن کسی نے ان کی بات نہیں مانی اور ہنگامہ بڑھتا گیا، جس کے باعث ایوان کی کارروائی دن بھر کے لیے ملتوی کر دی گئی۔