SAHAR

 جواد ظریف نے کہا کہ استقامتی معیشت کی پالیسی کو پوری طرح عملی جامہ پہنانے کے لئے قومی عزم، سب کی شمولیت اور مواقع سے فائدہ اٹھانے کے لئے حکومت کی جانب سےمنصوبہ بندی کی ضرورت ہے-

ایران کے وزیرخارجہ نے جامع مشترکہ ایکشن پلان کو ایران کے لئے سیاسی ، اقتصادی اورثقافتی موقع قراردیا اورکہا کہ جامع مشترکہ ایکشن پلان پرعمل شروع ہونے کے دو یا تین مہینے بعد، ایران کے خلاف مغرب کی یکطرفہ پابندیاں منسوخ ہو جائیں گی لیکن اس کے اثرات، فوائد اورایران میں سرمایہ کاری کے لئے مزید وقت درکار ہے-

وزیرخارجہ جواد ظریف نے اس بات کا ذکر کرتے ہوئے کہ تیل کی برآمدات اور انٹرنیشنل بینکینگ اور فنڈنگ کی سہولیات ایک لمحے میں حاصل نہیں ہوتیں کہا کہ امید ہے کہ ملک کا نجی شعبہ اور عوام اس موقع سے بخوبی فائدہ اٹھائیں گے- ایران کے وزیر خارجہ جواد ظریف ، صدر مملکت کی جانب سے ہفتہ حکومت کی مناسبت سے کچھ پیداواری منصوبوں کے افتتاح کے لئے اصفہان کے دورے پر ہیں-