SAHAR

اسلامی جمہوریہ ایران کی پارلیمنٹ کے ڈپٹی اسپیکر نے کہا ہے کہ امریکی صدر نے پابندیوں کی ناکامی کے باعث ایٹمی سمجھوتے کو قبول کیا ہے

ہمارے نمائندے کی رپورٹ کے مطابق ایران کی پارلیمنٹ کے ڈپٹی اسپیکرمحمد حسن ابوترابی فرد نے اتوار کو تہران میں ایران کے سابق صد شہید محمد علی رجائی اور سابق وزیراعظم محمد جواد باہنر کی برسی کی موقع پر کہا کہ ایٹمی مسئلے میں ایران کے تمام عوام ایک دوسرے کے شانہ بشانہ میدان میں تھے-

 ابوترابی فرد نے مزید کہا کہ گذشتہ بارہ برسوں سے جاری ایٹمی حقوق کے معاملےمیں ملت ایران کی استقامت نے امریکی صدراوباما کو باورکرا دیا کہ ایرانی عوام سخت ترین پابندیوں سے بھی پیچھے ہٹنے والے نہیں ہیں اور اسی وجہ سے باراک اوباما، ایران کے ساتھ گفتگو کرنے پر مجبور ہوئے-

 ایران کی پارلیمنٹ کے ڈپٹی اسپیکرنے کہا کہ ویانا ایٹمی مذاکرات میں کامیابی، ملت ایران اوررہبرانقلاب اسلامی آیت اللہ العظمی سیدعلی خامنہ ای کی استقامت کا نتیجہ تھی کہ اگر یہاستقامت اورقیادت نہ ہوتی تو ایران پیچھے ہٹنے پرمجبور ہو جاتا-

 ابوترابی فرد نے سابق صدر شہید محمد علی رجائی اور سابق وزیراعظم شہید محمد جواد باہنر کوایران کی انتظامی تاریخ کی دو اہم، قابل فخراورنامور شخصیت قراردیا اورکہا کہ ایران کا نظم و نسق ، ان قابل احترام شہیدوں کی روش اور اخلاقی خصوصیات کے مطابق ہونا چاہئے-