SAHAR

کرغیزستان کے صدر الماس بیگ آتام بائیوف آج ایران کے دورے پر تہران پہنچے جہاں سعدآباد پیلس میں صدر مملکت نے ان کا استقبال کیا

کرغیزستان کے صدر نے دونوں ملکوں کے وزرائے خارجہ کی موجودگی میں ایرانی حکام سے اپنے مذاکرات شروع کر دیئے ہیں - کرغیزستان کے صدر کے دورہ تہران کے موقع پر تعاون کے معاہدے پر دستخط ہوں گے اور پھر ایک مشترکہ پریس کانفرنس ہو گی-

 کرغیزستان کے صدر کا دو روزہ دورہ تہران اسلامی جمہوریہ ایران کے صدر حسن روحانی کی دعوت پر انجام پایا ہے-

 سرکاری اعداد و شمار کے مطابق ایران اور کرغیزستان کے درمیان تجارتی لین دین کی شرح تقریبا پچاس ملین ڈالر ہے - دونوں ملکوں کے حکام کے مطابق تہران اور بشکک کے درمیان تجارتی لین دین کی گنجائش اس سے کہیں زیادہ ہے-