SAHAR

ڈاکٹرحسن روحانی نے اس بات کا ذکرکرتے ہوئے کہ ایران، عراق میں مکمل امن و استحکام کا خواہاں ہے کہا کہ عراق میں امن و سیکورٹی کی ذمہ داری اس ملک کی حکومت اور عوام کی ہے لیکن ایران اپنے دوست ملک عراق کی کسی بھی طرح کی مدد سے دریغ نہیں کرے گا-

 اسلامی جمہوریہ ایران کے صدر نے سیاسی ، ثقافتی ، اور اقتصادی میدانوں میں ایران اورعراق کے تعلقات میں توسیع کے بے پناہ مواقع  کا ذکرکرتے ہوئے تمام میدانوں میں دونوں ملکوں کے تعلقات میں فروغ پر زور دیا۔ اس موقع پرتہران میں عراق کے نئے سفیرعبودی الموسوی نے کہا کہ عراقی عوام نے بالخصوص حالیہ برسوں میں دہشت گردوں کے خلاف جنگ میں ایرانیوں کی دوستی اوربھائی چارے کو بخوبی محسوس کیا ہے-

 تہران میں عراق کے نئے سفیرنے ایران اورگروپ پانچ جمع ایک کے درمیان ایٹمی سمجھوتے کی مبارکباد دیتے ہوئے اسے پوری مسلم امہ کی کامیابی قراردیا- عبودی الموسوی نے کہا کہ عراق کو یقین ہے کہ اسلامی جمہوریہ ایران ، مزید ترقی کی جانب گامزن رہے گا-