SAHAR

 محمد جواد ظریف نے کہا کہ جنہوں ںے شام کے صدرکے بارے میں شرائط رکھی ہیں وہی اس ملک میں قتل عام کے ذمےدار ہیں کیونکہ وہ چاہتے تھے کہ شام کے عوام خود فیصلہ نہ کریں بلکہ ان کی جانب سے مسلط کردہ فیصلہ قبول کر لیں۔

اسلامی جمہوریہ ایران کے وزیرخارجہ نے خطے میں انتہا پسندی اور دہشت گردی کے خطرے کی جانب اشارہ کیا اور کہا کہ یہ خطرہ یورپی ممالک کے سروں پر بھی منڈلا رہا ہے اور تارکین وطن کا بحران پیدا ہونے کا باعث بنا ہے اس لئے ضرورت اس بات کی ہے کہ اس کے خلاف ٹھوس اقدامات کئے جائیں۔

ہسپانیہ کے وزیر خارجہ خوزہ مانوئیل گارسیا نے بھی اس پریس کانفرنس کے دوران خطے میں دہشت گردی کے پھیلاؤ پر تشویش کا اظہار کرتے ہوئے اس مشکل کو ختم کرنے کے لئے ایک موثر راہ حل ڈھونڈنے کی ضرورت پر زور دیا۔ ہسپانیہ کے وزیرخارجہ کا کہنا تھا علاقائی امن و سلامتی، استحکام کے سلسلے میں ایران کا کردار اہم ہے۔