SAHAR

حسین امیر عبداللہیان نے مزید کہا کہ اگر واشنگٹن صحیح معنی میں شام کے بحران کے حل کی حمایت کرے اور یہ ثابت کرے کہ وہ واقعی دہشت گردی کے مقابلے میں پر عزم ہے تو اس کا یہ رویہ خطے اور دنیا میں قیام امن کے سلسلے میں ممد و معاون ہوگا۔

اسلامی جمہوریہ ایران کے نائب وزیر خارجہ کا کہنا تھا کہ ایران اور روس شام کے بحران کے آغاز سے ہی دوسرے ممالک کی مداخلت کے بغیر اس بحران کے پرامن حل کے خواہاں رہے ہیں۔ حسین امیر عبداللہیان کا مزید کہنا تھا کہ شام کے بحران کے حل کے سلسلے میں اس ملک کے عوام کا فیصلہ اور شام کی حکومت اور اس ملک کی جماعتوں کے باہمی مذاکرات کا حتمی نتیجہ کلیدی کردار کا حامل ہے۔

اسلامی جمہوریہ ایران کے نائب وزیر خارجہ نے مزید کہا کہ ایران خطے کے تمام مسائل کو سیاسی طریقے سے حل کرنے کی حمایت کرتا ہے۔ واضح رہے کہ اسلامی جمہوریہ ایران کے نائب وزیر خارجہ حسین امیر عبداللہیان ماسکو کے دورے پر ہیں۔