SAHAR

شام کے بارے میں ویانا اجلاس ایران کی وجہ سے نتیجہ بخش ہوا

امریکی وزیر خارجہ نے اعتراف کیا ہے کہ شام کے بارے میں ویانا اجلاس ایران کی وجہ سے نتیجہ بخش ثابت ہوا ہے ۔

ارنا کی رپورٹ کے مطابق امریکی وزیر خارجہ جان کیری نے نیویارک ٹائمز کو انٹرویو دیتے ہوئے کہا ہے کہ اس میں کوئی شک نہیں کہ ایران داعش مخالف ملک کی حیثیت سے اس گروہ کے مکمل خاتمے کا خواہاں ہے ۔

داعش کے خلاف مقابلے کےحوالے سے ایرانی کوششوں کا اعتراف کرتے ہوئے ان کا کہنا تھاایران کی شرکت سے شام کے بحران سے متعلق تمام ممالک سعودی عرب، قطر،ترکی اور مصر ایک میز پر اکٹھے ہوئے اور ایک مشترکہ موقف پر پہنچنے میں کامیاب ہوئے ۔امریکی وزیر خارجہ کا کہنا تھا داعش کا اسلام سے کوئی تعلق نہیں اور اس وقت بھی مشرق وسطی کے ممالک سمیت دوسرے اسلامی ممالک داعش کے خلاف حالت جنگ میں ہیں۔

یاد رہے ایران کی شرکت کے بغیر شام کے بحران سے متعلق تمام اجلاس غیر نتیجہ بخش رہے تاہم ویانا میں ہونے والے آخری دو اجلاسوں میں ایران کی شرکت کی وجہ سے شریک ممالک ایک مشترکہ دستاویزپرمتفق ہوگئے اس حوالے سے مذاکرات کا اگلا دور 18 دسمبر کو نیویارک میں منعقد ہوگا