اخبار نیویارک ٹائمز: پاکستان، چین کی حمایت سے امریکہ اور ایران کے درمیان مذاکرات کی میزبانی کا خواہاں
پاکستان نے امریکہ اور ایران کے درمیان ممکنہ مذاکرات کی میزبانی کے لیے چین سے سفارتی حمایت حاصل کرنے کی کوششیں تیز کر دی ہیں۔
سحرنیوز/پاکستان: پاکستانی ذرائع ابلاغ کے مطابق، وزیر خارجہ اسحاق ڈار منگل کو بیجنگ کا دورہ کریں گے جہاں وہ چین کے حکام سے اس معاملے پر تبادلہ خیال کریں گے۔
نیویارک ٹائمز کے مطابق، پاکستانی وزارت خارجہ نے اس بات کی تصدیق کی ہے کہ وزیر خارجہ کا دورہ چین کا مقصد ایک ایسے فریم ورک کے لیے چینی حمایت حاصل کرنا ہے جس کے تحت پاکستان، امریکہ اور ایران کے درمیان براہ راست بات چیت کی میزبانی کر سکے۔
یہ پیش رفت ایسے وقت میں سامنے آئی ہے جب پاکستان علاقائی امن کے لیے سرگرم ہے اور دیگر علاقائی طاقتوں کے ساتھ مل کر تنازعات کے پرامن حل کی کوشش میں ہے۔ اتوار کو اسلام آباد میں سعودی عرب، ترکیہ اور مصر کے وزرائے خارجہ کے درمیان اہم ملاقاتیں ہوئیں، جن میں جنگ بندی اور علاقائی استحکام کے حوالے سے حکمت عملی پر غور کیا گیا۔
دریں اثنا، واشنگٹن میں پاکستانی سفیر نے اپنے ایک بیان میں کہا ہے کہ پاکستان تنازعات کے حل میں ثالث کا کردار ادا کرنے کے لیے پرعزم ہے۔ تاہم، انہوں نے اس بات پر زور دیا کہ مذاکرات کی کامیابی کا انحصار فریقین کی جانب سے کیے جانے والے اہم فیصلوں پر ہوگا۔
ہمیں فالو کریں:
Follow us: Facebook, X, instagram, tiktok whatsapp channel
