SAHAR

ایران کی نیشنل آئل ٹینکر کمپنی کے مینیجنگ ڈائریکٹر نے کہا ہے کہ پابندیوں کے خاتمے کے بعد کے دور کے لئے ایران کی بحری جہازرانی بہترین پوزیش میں ہے۔

ایران کی نیشنل آئل کمپنی کے مینیجنگ ڈائریکٹرعلی اکبر صفائی نے کہا ہے کہ پابندیوں کے دوران ہم نے بحری صنعتوں کے میدان میں جو کام کیا ہے اس کو بدستور جاری رکھیں گے اور پابندیوں کے خاتمے کے بعد بھی ان صنعتوں کی حمایت کریں گے۔

انہوں نے کہا کہ بحری جہازرانی کے سبھی شعبے منجملہ آئل ٹینکروں کی پوزیشن، بہت ہی اچھی ہے اور ہم نے بحری جہازرانی کے شعبے میں ایک پانچ سالہ منصوبہ بھی تیار کیا ہے۔

ان کا کہنا تھا کہ آئندہ چند روز میں پابندیوں کے خاتمے کے بعد ایران کی بحری جہازرانی کو اپنی سرگرمیاں بھرپورانداز میں دوبارہ شروع کرنے کے لئے پھر سے مواقع مل جائیں گے اور ان سرگرمیوں کا دائرہ یورپ تک پھیل جائے گا۔