SAHAR

ایران کے وزیر خارجہ نے صدر مملکت ڈاکٹر روحانی کے دورہ فرانس کو اس ملک کے ساتھ مختلف شعبوں میں تعاون کے نئے دور کے آغاز سے تعبیر کیا ہے۔

اسلامی جمہوریہ ایران کے وزیر خارجہ محمد جواد ظریف نے جمعے کے روز اپنے ٹوئیٹر پر لکھا ہے کہ صدر مملکت ڈاکٹر حسن روحانی کا دورہ فرانس اور اس دورے کے نتائج، ایران کی ڈپلومیسی طاقت کا مظہر ہیں۔

انھوں نے تاکید کی کہ دونوں ملکوں کے درمیان سیاسی، اقتصادی اور ثقافتی شعبوں میں تعاون کے نئے دور کا آغاز ہو گیا۔

قابل ذکر ہے کہ ایران کے صدر ڈاکٹر حسن روحانی نے مشترکہ جامع ایکشن پلان پرعمل درآمد کے آغاز کے بعد اپنے پہلے غیر ملکی دورے میں اٹلی اور فرانس کا کامیاب دورہ کیا ہے۔ صدر مملکت ڈاکٹر حسن روحانی اپنا سرکاری دورہ اٹلی اور فرانس مکمل کرکے جمعے کی صبح تہران واپس پہنچ گئے۔