ڈاکٹر حسن روحانی کا دورہ آسٹریا ملتوی ہو گیا
Mar ۳۰, ۲۰۱۶ ۰۸:۱۱ Asia/Tehran
اسلامی جمہوریہ ایران کے صدر ڈاکٹر حسن روحانی کا دورہ آسٹریا ملتوی ہو گیا۔
صدر مملکت ڈاکٹر حسن روحانی بدھ تیس مارچ سے آسٹریا کا دو روزہ دورہ شروع کرنے والے تھے جو دونوں ممالک کے درمیان سمجھوتوں اور اس دورے کے پروگرام میں مزید ہم آہنگی کے لئے دونوں ملکوں کے حکام کی مفاہمت اور اتفاق رائے سے ملتوی کر دیا گیا۔ اب یہ دورہ مناسب وقت پر انجام پائے گا۔
اس سے قبل اعلان کیا گیا تھا کہ اسلامی جمہوریہ ایران کے صدر ڈاکٹر حسن روحانی تیس مارچ کو آسٹریا کے دورے پر ویانا روانہ ہوں گے۔
