ایران اور لیتھوانیا کے وزرائے خارجہ کی ملاقات
May ۲۸, ۲۰۱۶ ۱۵:۵۹ Asia/Tehran
اسلامی جمہوریہ ایران اور لیتھوانیا کے وزرائے خارجہ نے دوطرفہ تعلقات کو فروغ دینے کے طریقہ کار پر بات چیت کی ہے
لیتھوانیا کے وزیرخارجہ لیناس لینکویسیوس نے جو تہران کے دورے پر ہیں وزیرخارجہ جواد ظریف سے ملاقات میں دو طرفہ علاقائی اور بین الاقوامی مسائل پر بات چیت کی - علاقے اور دنیا کی سیکورٹی، دہشت گردی اور داعش کے خلاف جنگ وہ جملہ موضوعات تھے جن پر ایران اور لیتھوانیا کے وزرائے خارجہ نے گفتگو کی -
لیتھوانیا کے وزیرخارجہ کے پروگرام میں وزیرخزانہ علی طیب نیا اور ایران کے ایوانہائے صنعت و تجات و معدنیات و زراعت کے سربراہ محسن جلال پور سے بھی ملاقاتوں کا پروگرام شامل ہے- لیتھوانیا کے وزیرخارجہ کا یہ پہلا دورہ ایران ہے -
ایران اور لیتھوانیا کے سفارتی تعلقات انیس سو ترانوے میں برقرار ہوئے تھے -
