پاکستان کے قومی سلامتی کے مشیر کی ایرانی چیف آف اسٹاف جنرل باقری سے ملاقات
Jul ۲۷, ۲۰۱۶ ۱۷:۰۵ Asia/Tehran
پاکستان کے وزیراعظم کے قومی سلامتی کے مشیر ناصر خان جنجوعہ نے تہران میں ایران کے چیف آف اسٹاف بریگیڈیئر جنرل محمد باقری سے ملاقات اور گفتگو کی ہے۔
پاکستان کے قومی سلامتی کے مشیراورایران کے چیف آف اسٹاف بریگیڈیئر جنرل محمد باقری کے درمیان ہونے والی ملاقات میں اہم علاقائی اور بین الاقوامی معاملات پر تبادلہ خیال کیا گیا۔
قبل ازیں پیر کے روز پاکستان کے قومی سلامتی کے مشیر نے ایران کی قومی سلامتی کونسل کے سیکریٹری علی شمخانی اوراسٹریٹیجک ریسرچ سینٹر کے سربراہ ڈاکٹرعلی اکبر ولایتی سمیت دیگراعلی رتبہ ایرانی حکام سے ملاقات کی تھی۔
پاکستان کے قومی سلامتی کے مشیر ناصرخان جنجوعہ تین روزہ سرکاری دورے پراتوار کی شام تہران پہنچے تھے۔
