امام خمینی رح کی اٹھائيسویں برسی
بانی انقلاب اسلامی حضرت امام خمینی رح کی اٹھائیسویں برسی آج اتوار کے روز پورے ایران میں قومی اور مذھبی جوش و جذبے کے ساتھ منائی جا رہی ہے۔
حضرت امام خمینی رح کی برسی کا مرکزی پروگرام آج شام تہران میں واقع ان کے مزار پر منقعد ہوگا جس سے رہبر انقلاب اسلامی حضرت آیت اللہ العظمی سید علی خامنہ ای خطاب فرمائیں گے۔
اس موقع پر قرآن خوانی بھی کی جائے گی جبکہ معروف ذاکرین اور مداح اور نوحے خوان، نوحے اور مرثیے پیش کریں گے۔
حضرت امام خمینی رح کی برسی ہر سال چار جون کو منائی جاتی ہے جس میں ایران کے مختلف شہروں اور دنیا کے مختلف ملکوں سے آنے والے لاکھوں عقیدت مند اور چاہنے والے شرکت کرتے ہیں۔
حضرت امام خمینی رح علیہ کی برسی کی مناسبت سے تعزیتی پروگراموں کا سلسلہ کل سے ہی شروع ہو گیا تھا اوررہبرانقلاب اسلامی کی جانب سے مجلس ترحیم قم المقدسہ میں حضرت فاطمہ معصومہ سلام اللہ کے روضے میں منعقد کی گئی جس میں ہزاروں کی تعداد میں لوگ شریک ہوئے۔
