SAHAR

ایران کی وزارت خارجہ کے ترجمان نے بحرینی حکام کے دعووں کو سختی کے ساتھ مسترد کردیا ہے۔

وزارت خارجہ کے ترجمان بہرام قاسمی نے کہا ہے کہ بحرینی حکام رائے عامہ کو فریب دینے اور ہمسایہ ملکوں پر الزام تراشی کے بجائے، عالمی برداری کے مطالبات پر توجہ دیں اور مخالف جماعتوں کے ساتھ مذاکرات کا راستہ اپنائیں۔انہوں نے کہا کہ بحرین کے سیکورٹی حکام کی جانب سے اپنے اندرونی معاملات کو ایران سے جوڑے جانے کی کوششیں بھی قابل مذمت ہیں۔ایران کی وزارت خارجہ کے ترجمان نے بحرینی حکام کی جانب سے الزام تراشیوں کو اندرونی معاملات سے رائے عامہ کو منحرف کرنے کی کوشش قرار دیا۔بہرام قاسمی نے واضح کیا کہ عالمی برادری اس بات سے اچھی طرح واقف ہے کہ بحرین میں پچھلے چھے سال سے جاری بحران، ملک کی اکثریتی آبادی کے پرامن مظاہروں کو طاقت کے زور پر دبانے کا نتیجہ ہے۔