ایران اور امریکہ کے درمیان اختلافات کو مذاکرات کے ذریعے حل کرنے پر چین کی تاکید

Feb ۱۴, ۲۰۲۶ ۱۹:۳۰ Asia/Tehran

چینی وزیرخارجہ نے تاکید کے ساتھ کہا ہے کہ ایران اور امریکہ کے درمیان اختلافات مذاکرات اور ثالثی کے ذریعے حل ہونا چاہئے

سحرنیوز/دنیا: چینی وزيرخارجہ وانگ ای نے اس بات کا ذکر کرتے ہوئے کہ امریکہ کو ایران کے ساتھ اپنے معاملات میں احتیاط سے کام لینا چاہئے انتباہ دیا کہ تہران اور واشنگٹن کے درمیان کشیدگي کا براہ راست اثرمغربی ایشیا کے امن و سیکورٹی پر پڑے گا ۔

ہمیں فالو کریں:

چینی وزیرخارجہ نے کہا کہ فریقین کو نئي جنگ شروع کرنے کے بجائے احتیاط سے کام لینا چاہئے۔ بیجنگ کا یہ موقف ایسی حالت میں سامنے آيا ہے کہ چینی وزارت خارجہ کے ترجمان ماؤ نینگ نے بھی اس سے قبل ایران کے خلاف ٹرمپ کی دھمکیوں پر ردعمل میں کہا تھا کہ بیجنگ ، دیگر ممالک کے داخلی امور میں مداخلت اور بین الاقوامی تعلقات میں طاقت یا دھمکی کے استعمال کا مخالف ہے۔

انھوں نے کہا کہ ہمارا خیال ہے کہ تمام ممالک کی سیکورٹی پوری طرح بین الاقوامی قوانین کے دائرے میں ہونا چاہئے۔ اس چینی سفارتکار نے کہا کہ ہم تمام فریقوں سے چاہتے ہیں کہ مغربی ایشیاء میں امن و استحکام کے تحفظ کے لئے مزيد کوشش کریں ۔