ایران کی فوجی طاقت سعودی عرب سے زیادہ
Mar ۲۱, ۲۰۱۸ ۰۸:۵۷ Asia/Tehran
امریکی میگزین فوربس نے ایران اور سعودی عرب کی فوجی طاقت کا حال ہی میں موازنہ کرتے ہوئے اس سلسلے میں سعودی عرب کے ولیعہد محمد بن سلمان کے دعوے کو مسترد کیا اور کہا کہ ایران کا رتبہ خطے کی 10 فوجی طاقتوں میں سعودی عرب سے بالاتر ہے۔
مہر خبررساں ایجنسی کی رپورٹ کے مطابق امریکی میگزین فوربس نے ایران کے بارے میں امریکی ٹی وی چینل سی بی ایس کے ساتھ سعودی عرب کے ولیعہد کی گفتگو اور دعوے کو مسترد کرتے ہوئے کہا ہے کہ ایران کی فوج کا رتبہ خطے کی دس بڑی افواج میں سعودی عرب سے بالا تر ہے۔
سعودی عرب کے ولیعہد نے دعوی کیا تھا کہ ایران سعودی عرب کا مقابلہ نہیں کرسکتا کیونکہ ایران کی فوجی طاقت اور اقتصادی پوزیشن کمزور ہے۔
