ہندوستان ؛ ریاست آسام میں بی جے پی کے نفرت انگیز ویڈیو پر کانگریس کا سخت احتجاج

Feb ۰۸, ۲۰۲۶ ۲۰:۰۴ Asia/Tehran

ہندوستان کی ریاست آسام میں بی جے پی کے ایکس ہینڈل پر جاری ہونے والے ایک نفرت انگیز ویڈیو کے معاملے پر کانگریس نے سخت احتجاج کرتے ہوئے اسے نسل کشی کی اپیل قرار دیا ہے

سحرنیوز/ہندوستان: آسام بی جے پی یونٹ کے آفیشل ایکس ہینڈل سے شیئر کیے گئے ایک ویڈیو میں وزیراعلیٰ ہمنتا بسوا سرما کو علامتی طور پر مسلمانوں پر گولی چلاتے ہوئے دکھایا گیا ہے ویڈیو کے وائرل ہوتے ہی سوشل میڈیا پر اس کی سخت مذمت شروع ہو گئي ہے۔

کانگریس پارٹی نے اسے اقلیتوں کے خلاف کھلی اشتعال انگیزی قرار دیا ہے۔ کانگریس کے مرکزی جنرل سکریٹری کے۔سی۔ وینوگوپال نے کہا کہ یہ ویڈیو "اقلیتوں کو نشانہ بنا کر، قریب سے قتل" کو ظاہر کرتا ہے اور یہ براہ راست " نسل کشی کی اپیل" ہے۔

ہمیں فالو کریں:

کانگریس کے جنرل سیکریٹری کا کہنا ہے کہ یہ کوئی عام ٹرول مواد نہیں بلکہ اقتدار کے اعلیٰ سطح سے پھیلایا گیا زہر ہے۔

وینوگوپال نے کہا کہ وزیراعظم نریندر مودی سے اس پر کارروائی یا مذمت کی امید نہیں ہے، لیکن عدلیہ کو خود نوٹس لے کر سخت قدم اٹھانا چاہیے اور کسی بھی طرح کی نرمی نہیں برتنی چاہیے۔