ہم نے بارہ روزہ دفاع مقدس سے قیمتی تجربات حاصل کیے ہیں جس سے ہمیں بہت اچھی تیاری کا موقع ملا ہے : ایران

Feb ۰۸, ۲۰۲۶ ۲۰:۰۳ Asia/Tehran

اسلامی جمہوریہ ایران کی فوج کے کمانڈر انچیف نے کہا ہے کہ ہم نے بارہ روزہ دفاع مقدس سے قیمتی تجربات حاصل کیے ہیں جس سے ہمیں بہت اچھی تیاری کا موقع ملا ہے

سحرنیوز/ایران: آرمی کے کمانڈر انچیف میجر جنرل امیر حاتمی نے فضائیہ کے کمانڈروں ، افسروں اور اہلکاروں کےاجتماع میں کہا کہ آرمی ایئر فورس کی ترقی و پیشرفت کاسلسلہ جاری ہے اور بارہ روزہ مسلط کردہ جنگ میں اس فورس نے اپنے تمام مشن پورے جوش و جذبے اور حوصلے کے ساتھ انجام دیے یہاں تک کہ مسلح افواج کی زبردست مزاحمت کے نتیجے میں دشمن ہتھیار ڈالنے پر مجبور ہو گیا اور آخر کار اس نے جنگ بندی کی درخواست کردی۔

ہمیں فالو کریں:

میجر جنرل حاتمی نے دشمنوں کومخاطب کرتے ہوئے کہا کہ ہمیں امید ہے کہ دشمن کوئی نئی غلطی نہیں کرے گا اور اگر اس نے ایسا کیا تو یقیناً فضائیہ دشمن کو منہ توڑ جواب دینے میں اہم کردار ادا کرے گی۔

انہوں نے کہا کہ اگر کوئی علاقائی جنگ شروع ہوئی تو نشانے پر جارح طاقتیں ہوں گی اور اس سے بہرحال خطے کی ترقی و پیشرفت برسا برس پیچھے چلی جائے گی اور اس کی ذمہ داری بھی جنگ چھیڑنے کے باعث امریکہ اور صیہونی حکومت پر عائد ہوگی۔