امریکی وزیر خارجہ کا بیان عقل سے عاری
اسلامی جمہوریہ ایران کی پارلیمنٹ مجلس شورای اسلامی کے اسپیکر نے امریکی وزیر خارجہ کے ایران مخالف بیان پر سخت رد عمل کا اظہار کرتے ہوئے کہا کہ اس بیان سے دکھائی دیتا ہے کہ امریکی وزیر خارجہ پمپئو عقل سے عاری ہیں۔
اسلامی جمہوریہ ایران کی پارلیمنٹ مجلس شورای اسلامی کے اسپیکر علی لاریجانی نے آج شہر مقدس قم میں کہا کہ امریکی وزیر خارجہ مائیک پمپئو کے ایران مخالف بیان سے ان کی سیاسی عدم بلوغت کی واضح طور پر نشاندہی ہوتی ہے ۔
واضح رہے کہ امریکی وزیر خارجہ مائیک پمیئو نے پیر 21 مئی کو اپنی توہین آمیژ تقریر میں ایرانی قوم کے خلاف بے بنیاد اور من گھڑت الزامات عائد کرتے ہوئے کہا تھا کہ ایران پر سخت ترین پابندیاں عائد کی جائیں گی۔
امریکی وزیر خارجہ کے بیان کی ایران کے وزیر خارجہ سمیت عالمی سطح پر مذمت کی گئی اور یورپی یونین کی خارجہ پالیسی کی سربراہ فیڈریکا موگرینی نے کہا کہ جوہری توانائی کے عالمی ادارے نے بارہا ایران کی جانب سے اپنے وعدوں کی پاسداری کی تائید و تصدیق کی ہے اور ایران کے پر امن جوہری پروگرام کو صاف و شفاف قرار دیا ہے۔
