عالم اسلام میں اتحاد وحدت ضروری: علی لاریجانی
اسلامی جمہوریہ ایران کی پارلیمنٹ کے اسپیکر نے مسلمانوں کے مابین تفرقہ ڈالنے سے متعلق دشمنوں کی سازشوں کی جانب اشارہ کرتے ہوئے کہا کہ عالم اسلام میں اتحاد وحدت ضروری ہے۔
اسلامی جمہوریہ ایران کی پارلیمنٹ کے اسپیکر علی لاریجانی نےصوبہ فارس کے دورے کے موقع پر اس صوبے کے اہل سنت اور شیعہ علماء کے اجلاس سے خطاب کرتے ہوئے کہا کہ عالم اسلام میں اتحادو وحدت وقت کی ضرورت ہے اور اتحادو وحدت کیلئے بھرپور کوشش کرنی چاہئیے۔
ایران کی پارلیمنٹ کے اسپیکر کا کہنا تھا کہ امریکی صدر ٹرمپ نے عالمی صورتحال کو خراب کیا ہے اور جوہری معاہدے سے امریکہ کے یکطرفہ طور پر نکلنے کے بعد یورپی ممالک نے ایران سے فوری رد عمل نہ دکھانے کی درخواست کرتے ہوئے کہا کہ جوہری معاہدے سے ایران کے فائدہ اٹھانے کیلئے وہ اقدامات کریں گے۔
علی لاریجانی نے ایران کی دفاعی طاقت وتوانائی کی جانب بھی اشارہ کرتے ہوئے کہا کہ 8 سالہ دفاع مقدس کے دوران کوئی بھی ملک ایران پر ہتھیار فروخت نہیں کرتا تھا اس لئے ایران نے میزائل بنانے کا فیصلہ کیا اور آج ایران کا میزائلی پروگرام ایران کی طاقت میں بدل گیا ہے۔
