SAHAR

ایران کے دفتر خارجہ کے ترجمان نے کہا ہےکہ مغربی ایشیا میں امریکہ کی فوجی موجودگی بدامنی کا باعث ہے۔

بہرام قاسمی نے شام سے امریکی فوجیوں کے انخلا کے اعلان پر ردعمل کا اظہار کرتے ہوئے کہا کہ علاقے میں امریکہ کی فوجی موجودگی شروع سے ہی ایک غلط و غیر منطقی اقدام اور بحران و بدامنی کا باعث بنی رہی ہے۔

ایران کی وزارت خارجہ کے ترجمان نے کہا کہ مغربی ایشیا کے حالات کا گہرائی سے جائزہ لینے سے اس بات کی بخوبی نشاندہی ہوتی ہے کہ اس حساس علاقے میں کسی بھی بہانے سے اغیار کی فوجی موجودگی بحران و کشیدگی اور اختلافات میں شدت کے علاوہ کسی اور نتیجے کا باعث نہیں بنی ہے۔

قابل ذکر ہے کہ امریکی صدر نے شام سے ایسی حالت میں فوجی انخلا کا اعلان کیا ہے کہ اس ملک کی حکومت امریکہ کی فوجی موجودگی کو ہمیشہ اپنے ملک کے قومی اقتدار اعلی کے منافی قرار دیتی رہی ہے۔