SAHAR

اسلامی جمہوریہ ایران کے صدر حسن روحانی سہ فریقی سربراہی اجلاس میں شرکت کے لئے کل روس کے شہر سوچی روانہ ہوں گے۔

صدراتی دفتر کے ذرائع ابلاغ کے معاون پرویز اسماعیلی نے کہا ہے کہ صدرمملکت حسن روحانی روس کے صدر پوتین کی سرکاری دعوت پر کل سہ فریقی سربراہی اجلاس میں شرکت کی غرض سے روس روانہ ہوں گے ۔ اس اجلاس میں روس، ایران اور ترکی کے صدور شرکت کریں گے۔ سوچی سربراہی اجلاس میں دہشت گردی کے خلاف جنگ، شام میں قیام امن کے سلسلے میں کوشش اور دیگر علاقائی اور عالمی امورپر تبادلہ خیال کیا جائےگا۔

سوچی اجلاس میں شام کی تازہ ترین صورتحال کا جائزہ بھی لیا جائے گا۔ ایران کے صدر سوچی اجلاس کے ضمن میں روس اور ترکی کے صدور سے علیحدہ علیحدہ ملاقات بھی کریں گے۔