پہلی شہریور مطابق ۲۳ اگست کو ایران میں یوم طبیب کے طور پر منایا جاتا ہے اور اس دن خصوصیت کے ساتھ عالم اسلام کے نامور طبیب بو علی سینا کی یاد منائی جاتی ہے۔عالمی شہرت کے مالک بو علی سینا ایران کے معروف شہر ہمدان میں مدفون ہیں۔بو علی سینا یا ابن سینا فارس کے رہنے والے ایک جامع العلوم شخص تھے جنھیں اسلام کے سنہرے دور کے سب سے اہم مفکرین اور ادیبوں میں شمار کیا جاتا ہے۔ آپ نے 980 سے 1037 عیسوی تک یعنی 57 سال کی عمر پائی مگر اس کم عمر میں بھی بڑی گرانقدر اور فخریہ خدمات بشریت کے لئے پیش کی ہیں۔