SAHAR

عالمی سامراج کے خلاف مجاہدت کے قومی دن کے موقع پر تہران میں سابق امریکی سفارت خانے نما جاسوسی کے اڈے کے سامنے منعقدہ ایک تقریب سے خطاب کرتے ہوئے جنرل عبدالرحیم موسوی کا کہنا تھا کہ دشمنوں کی پابندیاں، دھمکیاں اور سازشیں ملت ایران کے عزم و ارادے میں خلل نہیں ڈال سکتیں۔

جنرل عبدالرحیم موسوی نے کہا کہ چار نومبر کے تاریخ ساز دن نے دنیا بھر کے مستضعفین اور مسلمانوں کو یہ پیغام دیا ہے کہ عالمی سامراج کا ڈٹ کر مقابلہ کیا جاسکتا ہے۔ 

انہوں نے کہا کہ دشمنوں نے پچھلے چالیس برس کے دوران ایرانی قوم کے خلاف کسی بھی جرم کے ارتکاب سے گریز نہیں کیا ہے لیکن اس کے باوجود ایران کا اسلامی انقلاب ترقی و پیشرفت کے راستے گامزن ہے۔ 

ایران کی بری فوج کے سربراہ نے مزید کہا کہ دنیا پر امریکی تسلط زوال پذیر ہے اور نوجوان نسل اپنی آنکھوں سے اس کی نابودی کا مشاہدہ کرے گی۔