SAHAR

ایران کی قومی سلامتی کے سیکریٹری نے اپنے ٹوئیٹر اکاونٹ میں امریکی وزیر خارجہ مائیک پومپئو کی جانب سے ایران کے اندرونی معاملات میں امریکی مداخت پر کہا کہ ابھی تک عین الاسد فوجی اڈے پر وائٹ ہاوس کے حکام کی جانب سے حقیقت پر مبنی بیان سامنے نہیں آیا ہے۔

اسلامی جمہوریہ ایران کی قومی سلامتی کے سیکریٹری علی شمخانی نے ٹوئیٹ کرتے ہوئے امریکی وزیر خارجہ مائیک پومپئوکی جانب سے کورونا وائرس کے حوالے سے ایران کی جانب سے اطلاعات کو چھپانے پر کہا کہ ابھی تک وائٹ ہاوس نے عین الاسد فوجی اڈے ، افغانستان میں امریکہ کے جاسوس طیارے کی سرنگونی اور امریکہ میں انفلوئنزا سے متعلق حقایق سے آگاہ نہیں کیا ہے۔

واضح رہے کہ امریکی وزیر خارجہ مائیک پومپئو نے اپنے ایک مداخلت پسندانہ بیان میں دعوی کیا تھا کہ شاید ایران نے کورونا وائرس سے متعلق تفصیلات کو چھپایا ہے۔