آٹھ عرب و اسلامی ممالک کا مشترکہ بیان، غزہ میں جنگ بندی کی خلاف ورزیوں پر صیہونی حکومت کی سخت مذمت

Feb ۰۱, ۲۰۲۶ ۱۹:۱۶ Asia/Tehran

آٹھ عرب اور اسلامی ممالک نے ایک مشترکہ بیان میں غزہ پٹی میں جنگ بندی کی بار بار خلاف ورزیوں پر صہیونی حکومت کی شدید مذمت کی ہے۔

سحرنیوز/عالم اسلام: آٹھ عرب اور اسلامی ممالک کے جاری کردہ بیان میں کہا گيا ہے کہ صہیونی حملے کشیدگی میں اضافے کا باعث بن رہے ہیں اور امن کو مستحکم کرنے کی کوششوں کو نقصان پہنچا رہے ہیں۔ ان ممالک نے زور دیا کہ جنگ بندی کی مسلسل خلاف ورزیاں سیاسی عمل کے لیے براہ راست خطرہ ہیں اور غزہ کو ایک مضبوط اور مستحکم مرحلے میں داخل ہونے سے روک رہی ہیں۔

ہمیں فالو کریں:

مشترکہ بیان کے آخر میں تمام متعلقہ فریقوں سے مطالبہ کیا گیا کہ وہ اس حساس مرحلے میں اپنی ذمہ داریاں پوری کریں اور ایسے کسی بھی اقدام سے گریز کریں جو عدم استحکام اور بحران میں اضافے کا سبب بنے۔

یاد رہے یہ بیان اس کے بعد جاری کیا گیا جب ہفتے کے روز صہیونی فوج کے ہاتھوں غزہ میں ہونے والے تازہ حملوں میں تیس سے زائد افراد شہید اور درجنوں زخمی ہوئے ہیں۔