عالمی اور امریکی مفادات میں تضاد
روس میں تعینات ایران کے سفیر نے ایران کے خلاف عائد پابندیوں کے خاتمے سے متعلق عالمی سطح پر ہونے والے مطالبوں کو امریکی حکام کی جانب سے نظر انداز کئے جانے کی جانب اشارہ کرتے ہوئے کہا کہ عالمی مفادات اور امریکی مفادات میں تضاد پایا جاتا ہے۔
روس میں تعینات ایران کے سفیر کاظم جلالی نے ٹوئیٹ کرتے ہوئے اس جانب اشارہ کیا کہ عالمی برادری ایک طرف اور امریکہ دوسری طرف ہے۔ انہوں نے کہا کہ ایسے میں کہ جب دنیا کے ممالک اور اقوام متحدہ کے سیکریٹری جنرل نے کورونا وائرس کا مقابلہ کرنے والے ممالک کے خلاف پابندیوں کے خاتمے کا مطالبہ کیا ہے لیکن امریکی حکام نے اس کی ایک بار پھر مخالفت کرتے ہوئے عالمی مسائل کے حل میں اقوام متحدہ کے کردار کو خطرے سے دوچار کردیا ہے۔
کاظم جلالی کا کہنا تھا کہ ایران کے خلاف امریکہ کی پابندیوں نے کورونا وائرس میں مبتلا ہونے والے مریضوں کے علاج معالجے کو مشکلات سے دوچار کر دیا ہے تاہم اس کے باوجود ایرانی قوم امریکہ کی ظالمانہ پابندیوں اور کورونا وائرس کا مقابلہ کر رہی ہے۔
