SAHAR

روس کی کورونا ویکسین اسپوٹنیک وی کی ایران آمد کا سلسلہ جاری ہے اور روس کی تیار کردہ کورونا ویکسین کی ساتویں کھیپ آج بروز جمعرات ایران پہنچے گی۔

روس میں ایران کے سفیر کاظم جلالی نے کہا کہ اسپوٹنیک وی روسی ویکسین ایران بھیجے جانے کا سلسلہ جاری ہے اورساتویں کھیپ میں آج ایک لاکھ ڈوز ایران پہنچ جائے گی۔ انہوں نے کہا کہ ایران اور روس کے مابین ہونے والے معاہدے کی رو سے 3 ہفتوں کے دوران 10 لاکھ ویکسین ایران پہنچ جائے گی۔

واضح رہے کہ ایران کی وزارت صحت کی رپورٹ کے مطابق ایران میں اب تک 7 لاکھ 44 ہزار 914 افراد کو ویکسین کی پہلی ڈوز جبکہ ایک لاکھ 93 ہزار 840 افراد کو ویکسین کی دوسری ڈوز دی جا چکی ہے۔ اس طرح ایران میں مجموعی طور پر 9 لاکھ 38 ہزار 752 افراد کو کورونا کے ٹیکے لگائے جا چکے ہیں۔