جمعہ 30 اپریل کو ایران میں کورونا کی صورتحال
Apr ۳۰, ۲۰۲۱ ۱۹:۳۳ Asia/Tehran
ایران کی وزارت صحت نے بتایا ہے کہ پچھلے چوبیس گھنٹوں کے دوران چارسو سات افراد کی موت کے بعد ملک میں کورونا سے مرنے والوں کی تعداد اکہتر ہزار سات سو اٹھاون ہوگئی ہے۔
وزارت صحت کے جاری اعلامیے کے مطابق پچھلے چوبیس گھنٹوں میں کورونا کے انیس ہزار دو سو بہتر مریضوں کا اندراج کیا گیا جن میں سے تین ہزار دو سو دو افراد کو اسپتالوں میں داخل کرنا پڑا۔
اعلامیہ میں کہا گیا ہے کہ ملک میں کورونا کے مریضوں کی کل تعداد چوبیس لاکھ ننانوے ہزار ستتر ہوگئی ہے۔
ایران کی وزارت کے جاری کردہ اعداد و شمار کے مطابق اب تک انیس لاکھ چون ہزار تین سو اکیس افراد صحت یاب ہوچکے ہیں۔
