ایران میں دہشتگردوں کا ایک گروہ تباہ، 4 دہشتگرد ہلاک
Dec ۱۷, ۲۰۲۱ ۰۸:۰۸ Asia/Tehran
سپاہ پاسداران انقلاب اسلامی فورس کے جوانوں کی ہوشیاری سے ملک کے جنوب مشرقی صوبے سیستان و بلوچستان کے سراوان شہر میں دہشتگردانہ کارروائی کا ارادہ رکھنے والے ایک گروہ کو ناکام بنا دیا گیا۔
تسنیم نیوز کے مطابق، سپاہ پاسداران فورس کی قدس چھاونی کی طرف سے ایک بیان جاری ہوا جس میں بتایا گیا کہ دہشتگردوں کا ایک گروہ سراوان میں دہشتگردانہ کارروائی کا ارادہ رکھتا تھا جو اس چھاونی کے جوانوں کی ہوشیاری سے ناکام ہو گیا۔
اس موقع پر ہونے والی جھڑپ میں 4 دہشتگرد عناصر ڈھیر ہوگئے جبکہ بڑی مقدار میں اسلحہ اور فوجی سازوسامان انکی پاس سے برآمد ہوا۔
