ایران میں اڑتالیسی بڑے صنعتی منصوبوں کا افتتاح
Feb ۰۶, ۲۰۲۲ ۱۷:۱۳ Asia/Tehran
صدر ایران ڈاکٹر ابراہیم رئیسی نے سترہ ارب ڈالر مالیت کے اڑتالیس بڑے صنعتی منصوبوں کا افتتاح کردیا ہے۔
ملک کے تیرہ صوبوں کے اٹھائیس شہروں میں شروع کیے جانے والے اڑتالیس بڑے صنعتی منصوبوں کے آغاز کی تقریب آئی آر آئی بی انٹرنیشنل کنوینشن سینٹر میں منعقد ہوئی۔
ان منصوبوں میں گل گہر مائینگ اینڈ انڈسٹریل گروپ، مبارکہ اسٹیل ملز،ایران نیشنل کاپرکمپنی ، چادرملو مائینگ اینڈ انڈسٹریل کمپنی، مائیننگ اینڈ میٹل انڈسٹریز ڈیویلپمنٹ فائنانس کمپنی اور پارسیان آئیل اینڈ گیس کمپنی نے سرمایہ کاری کی ہے۔
ان منصوبوں کی تکمیل سے گیارہ ارب ڈالر کی برآمدات ، چون ملین ٹن ، معدنیات، میٹل، پیٹروکیمیکل اشیاء سالانہ تیار ہوں گی، اکیس ہزار افراد کو براہ راست اور چونسٹھ ہزار افراد کو بالواسطہ روزگار فراہم ہوگا۔
