ہرات کے غیر انسانی واقعے کے مرتکب افراد کو کیفر کردار تک پہنچانے کا مطالبہ
Dec ۰۲, ۲۰۲۳ ۱۴:۱۶ Asia/Tehran
کابل میں اسلامی جمہوریہ ایران کے سفارتخانے نے شہر ہرات کے حالیہ دہشت گردانہ حملے کی مذمت کرتے ہوئے امید ظاہر کی ہےکہ افغانستان کے حکام اس غیر انسانی واقعے کے مرتکب افراد کی نشاندہی کرکے ان کو کیفر کردار تک پہنچائيں گے۔
سحرنیوز/ ایران: افغانستان سے موصولہ رپورٹ کے مطابق افغانستان ميں ایران کے سفارتخانے نے سوشل میڈیا پر اپنے آفیشل پیج پر ایک پیغام میں گذشتہ روز ہرات میں ہونے والے دہشت گردی کے واقعے کی شدید مذمت کی ہے کہ جس کے نتیجے میں دو شیعہ علماء سمیت چھ افراد شہید ہوگئے۔
اس پیغام میں شہداء کے پسماندگان کے لئے اللہ تعالی سے اجر و صبرجمیل کی دعا کی گئی ہے-
یہ دہشت گردانہ واقعہ ہرات کے علاقے جبرئیل ٹاؤن میں پیش آیا۔
