SAHAR

افغانستان کے صوبے ہلمند کا شہر موسی قلعہ طالبان کے قبضے سے آزاد ہوگیا

جنوبی افغانستان میں صوبہ ہلمند کے سیکورٹی حکام نے کہا ہے کہ افغان فوج اورسیکورٹی حکام نے طالبان کے خلاف کاروائی کرکے، صوبہ ہلمند کے شہرموسی قلعہ کو طالبان کے قبضے سے آزاد کرالیا ہے-

صوبہ ہلمند میں میوںد کے ایک فوجی عہدیدار محمد رسول زاری نے اس بارے میں کہا کہ موسی قلعہ پراتوارکی صبح کوافغان فوج اور سیکورٹی اہلکاروں نے اپنا کنٹرول سنبھال لیا- انہوں نے کہا کہ اس شہر کو آزاد کرانے کے لئے افغان فوج کی کاروائی کے دوران بڑی تعداد میں مسلح عناصر ہلاک اورزخمی ہوئے ہیں-

 واضح رہے کہ گذشہ ہفتے موسی قلعہ پرطالبان نے قبضہ کرلیا تھا- ابھی تک موسی قلعہ کو طالبان کے قبضے سے آزاد کرائے جانے کے سلسلے میں طالبان نے کوئی ردعمل ظاہر نہیں کیا ہے-

 جنوبی افغانستان کے صوبوں منجملہ ہلمند میں ایسی حالت میں جھڑپوں اور حملوں میں شدت آئی ہے کہ افغان فوج اورسیکورٹی کے دستے اس ملک کے شمالی صوبوں میں طالبان کے ساتھ نبرد آزما ہیں-