SAHAR

افغانستان کےصدرنے پاکستان سے دہشت گردگروہوں کا بلاتفریق مقابلہ کرنےکامطالبہ کیا ہے

کابل سے ہمارے نمائندے کی رپورٹ کے مطابق افغان صدرکے ترجمان سید ظفرہاشمی نے کہا ہے کابل حکومت اس بات کی خواہاں ہے کہ اسلام آباد کی حکومت افغان عوام کے خلاف اعلان جنگ کرنے والے گروہوں کا بلا تفریق مقابلہ کرے۔


سید ظفر ہاشمی نے مزید کہا کہ اسلام آباد کی پالیسیوں کے سلسلے میں کابل کا موقف پوری طرح واضح ہے اور پاکستان کو افغانستان کے مطالبے پورے کرنے چاہئیں۔

اس سے قبل افغان حکام نے کہا تھا کہ پاکستان بعض دہشت گرد گروہوں کا مقابلہ اور بعض کو نظر اندازکررہا ہے۔

افغانستان کی حکومت کے چیف ایگزیکٹو نے حال ہی میں کہا تھا کہ پاکستان نیک نیتی کے ساتھ دہشت گردی کا مقابلہ نہیں کررہا ہے۔ ان بیانات کے بعد کابل اسلام آباد تعلقات کشیدگی کا شکار ہوگئے۔