SAHAR

شام کے وزیر اطلاعات عمران الزعبی نے شام کے مستقبل کے بارے میں شامی عوام کے کردار کو فیصلہ کن قرار دیا ہے-

اطلاعات کے مطابق شام کے وزیر اطلاعات عمران الزعبی نے پیر کے روز کہا کہ بشار اسد کی صدارت اور اس کے جاری رہنے کے بارے میں فیصلہ کن کردار شامی عوام کا ہے-

عمران الزعبی نے بحران شام کے خاتمے کے لئے ایسے طریقہ کار کو کامیاب ترین طریقہ کار قرار دیا جس میں شامی اقتدار اعلی، ارضی سالمیت اور شام کے قومی مفادات کا پوری طرح سے خیال رکھا جائے-

 انہوں نے بحران شام کے حل کے لئے روسی حکومت کی کوششوں کی طرف اشارہ کرتے ہوئے کہا کہ روسی حکومت ، شام کے سیاسی عمل کی حمایت کرتی ہے اور اس سلسلے میں روس کی کوششیں دمشق حکومت کے لیے اہمیت کی حامل ہیں-

 شام کے وزیر اطلاعات نے کہا کہ شامی مہاجرین کا مسئلہ شام میں دہشت گردی سے پیدا ہونے والے اہم ترین انسانی نتائج میں سے ہے-