SAHAR

صیہونی فوجیوں نے مغربی کنارے کے مختلف علاقوں میں فلسطینی مظاہرین کو اپنے تشدد کا نشانہ بنایا ہے۔

فلسطین کے انفارمیشن سینٹر کی رپورٹ کے مطابق فلسطینیوں نے نماز جمعہ کے بعد رام اللہ میں واقع بلعین دیہات اور نابلس میں واقع کفر قدوم کے علاقے میں مظاہرے کئے۔ صیہونی فوجیوں نے مظاہرین پر تشدد کیا اور ان پر آنسو گیس کے شیل پھینکے جس کی وجہ سے متعدد فلسطینی مظاہرین زخمی ہوگئے۔

 اس رپورٹ کے مطابق امدادی ٹیمیں فوری طور پر جائے وقوعہ پر پہنچیں اور انہوں نے زخمیوں کو رام اللہ اور نابلس کے ہسپتالوں میں منتقل کردیا۔ ان مظاہروں کے دوران فلسطینیوں نے صیہونی حکومت کی جانب سے مسجدالاقصی اور اس مسجد میں نمازیوں کے خلاف انجام دیئے جانے والے اقدامات کی شدید الفاظ میں مذمت کی۔