افغان فوج کی کارروائی، 90 سے زائد طالبان ہلاک
Dec ۲۰, ۲۰۱۵ ۲۱:۰۹ Asia/Tehran
-
افغان فوج کی کارروائی، 90 سے زائد طالبان ہلاک
ملک کے مختلف علاقوں میں افغان فوج کی کارروائیوں کے دوران درجنوں طالبان ہلاک ہوگئے ہیں۔
افغان وزارت دفاع نے اتوار کے روز ایک بیان جاری کیا ہے جس میں کہا گیا ہے کہ ملک کے مختلف علاقوں میں جاری آپریشن کے دوران کم سے کم اکیانوے طالبان کو موت کے گھاٹ اتار دیا گیا۔
بیان کے مطابق صوبہ ہرات ، غزنی، پکتیا، اور ہلمند میں طالبان کے خلاف کی جانے والی کارروائیوں میں بائیس طالبان زخمی بھی ہوئے ہیں۔
بیان میں کہا گیا ہے کہ آپریشن کے دوران بھاری مقدار میں اسلحہ اور گولہ بارود بھی برآمد کیا گیا ہے۔
افغان وزارت دفاع نے طالبان کے خلاف جاری آپریشن کے دوران گیارہ افغان فوجیوں کے مارے جانے کی تصدیق کی ہے۔
اس خبر کے بارے میں تاحال طالبان کی جانب سے کوئی ردعمل سامنے نہیں آیا ہے۔
