SAHAR

نائیجیریا کی فوج نے زاریا شہر میں شیعہ مسلمانوں کی امامبارگاہ کو بلڈوزروں کے ذریعے پوری طرح منہدم کرکے اس کو مٹی کے ڈھیر میں تبدیل کر دیا ہے۔

نائیجیریا کی اسلامی تحریک نے اپنی ویب سائٹ پر خبر دی ہے کہ نائیجیریا کی فوج نے زاریا شہر میں امامبارگاہ بقیہ اللہ کو منہدم کر دیا ہے۔

دس روز قبل بھی جب فوج نے شیعہ مسلمانوں کا بہیمانہ قتل عام کیا تھا، اس نے اس امامبارگاہ کو کافی نقصان پہنچایا تھا -

دس روز قبل شیعہ مسلمانوں کے قتل عام کے بعد نائیجیریا کی فوج نے مذہبی رہنما شیخ ابراہیم الزکزکی کو زخمی حالت میں ان کی اہلیہ کے ہمراہ گرفتار کر لیا تھا۔ نائیجیریا کی فوج نے اعلان کیا تھا کہ شیخ الزکزکی فوج کی حراست میں خیریت سے ہیں لیکن دس روز سے زائد کا عرصہ گذر جانے کے بعد بھی شیخ الزکزکی کو منظرعام پر نہیں لایا گیا۔

البتہ فوج کے بیان میں کہا گیا ہے کہ وہ ایک فوجی اسپتال میں زیرعلاج ہیں۔